Леванте од 2010 година немаше остварено победа против Селта Виго на домашен терен, а вечерва тимот на Енис Барди успеа со пресврт од 3-1 да стави крај на таа лоша серија.
Роџер е креаторот на пресвртот со неговите два погодоци во период од 10 минути во второто полувреме. Аспас донесе предност за гостите уште во 12-тата минута, а по еден час игра голгетерот на Леванте израмни, за во 70-тата минута да го најави пресвртот, кој го потврди Мајорал во судиското надополнување.
