Барнли ги сопре Црвените ѓаволи, за првпат по 8 години не загуби од фаворитот на „Трф Мур“ (Видео)

Барнли конечно успеа ја сопре серијата од пет порази по ред на својот стадион „Трф Мур“ против Манчестер јунајтед и освои голем бод во битката за опстанок со реми 1:1.

Гостите не ја искористија потополно доминацијата во првото полувреме, кога поведоа со 1:0 со голот на Пол Погба, а им беа поништени уште два гола.

Црвените ѓаволи имаа уште неколку зрели шанси да го решат мечот уште по првиот дел, а и немаа среќа при поништените голови.

Казната стигна во 48-мата минута, по мајсторскиот потег и асистенцијата на засилувањето на Барнли, Вуг Вегхорст.

Холанѓанецот најпрво одлично ги надмудри Мегваер и Мектоминеј, а потоа му додаде на Џеј Родригес за израмнување на 1:1.

Манчестер јунајтед последен пат не победи на „Трф Мур“ во 2014 година, а имаше пет победи по ред на гостувањата кај Барнли.

Со ремито го загубија и четвртото место, па сега се петти во Премиер лигата со 39 бода.

Барнли е последен со 14 бода, но има два меча помалку од конкурентите за опстанок.