Повеќе шпански медиуми најавуваат дека Барселона го договорила првото големо засилување во ерата на тренерската кариера на Чави Ернандес. Според пишувањата, Феран Торес во јануарскиот преоден рок ќе стане нов член на Барселона.
Се работи за трансфер од 55 милиони евра, плус 10 милиони евра кои каталонскиот гигант ќе треба да му ги исплати на Манчестер сити. По доаѓањето на Чави, Барселона бесплатно го врати искусниот Дани Алвес, кој треба да донесе квалитет во одбраната.
Ferrán Torres to Barcelona, done deal confirmed and here we go! The agreement has been completed for €55m plus €10m add ons to Manchester City. 🤝🇪🇸 #FCB
Ferrán will sign a five year deal as new Barcelona players in the coming hours. He’s always been the priority for Xavi. pic.twitter.com/n1LsaHmISQ
— Fabrizio Romano (@FabrizioRomano) December 22, 2021
Само со 21 година, Торес треба да биде иднината на клубот. Тој може да игра на сите напаѓачки позиции во екипата и знае да биде многу корисен. Во Манчестер сити замина минатата година, кога Граѓаните дадоа 28 милиони евра за да го купат од Валенсија. Сега ќе го продадат за двојно повеќе.
Феран Торес сезонава не добива голема доверба кај тренерот на Сити, Пеп Гвардиола, па досега одигра само седум меча, во кои има добар биланс од три погодоци и една асистенција.
