Екипата на Барселона во следната сезона ќе има нов капитен, откако досегашните капитени ја напуштија екипата. Таа улога до сега ја имаа Серхио Бускетс, Жерард Пике и Жорди Алба.
Логично е таа улога да ја преземе германскиот голман Марк-Андре Тер Штеген, бидејќи тој остана верен на клубот и во тешки моменти, но одлуката во моментов е кај тренерот Чави Ернандес.
Во Барселона има традиција дека капитен мора да биде фудбалер кој потекнува од Ла Масија, а дали Чави ќе оди против традицијата останува да се види, иако во моментов најголеми шанси му се даваат на Сержи Роберто.