Победите на првите натпревари кои ги играа дома се покажаа како доволни за Јанг бојс, Бенфика и Малме да ги добијат баражите од плејофот во квалификациите за Лигата на шампионите и да се пласираат во групната фаза од елитното натпреварување.
Швајцарците двапати го победија Ференцварош со 3-2, но вечерва во Будимпешта не изостана драмата. Домашните водеа со 2-1 по првото полувреме, но примениот гол за 2-2 и црвениот картон беа кобни за нив, а среќни за Младите момчиња.
Бенфика издржа да не прими гол на гостувањето кај ПСВ и одигра 0-0, доволни за влез во групите од ЛШ. Орлите од Лисабон од 32-рата минута до крај имаа играч помалку на терен поради исклучувањето на Верисимо, но се одбранија, а во некои ситуации имаа и многу среќа.
Лудогорец извојува пирова победа над Малме од 2-1, затоа што шведскиот тим ја доби првата средба со 2-0. Бугарите пробуваа да се изборат за продолженија, но не успеаја да дадат трети гол. Јунак на Малме е Србинот Вељко Бирманчевиќ, кого го купија летово од Чукарички. Бирманчевиќ даде гол и на првиот дуел, додека вечерва во Разград постигна прекрасен гол од слободен удар, додуша со малку помош од играч на Лудогорец кој беше во живиот ѕид.
Ова е голот на Бирманчевиќ кој му пресуди на Лудогорец:
Goool Birmančevića! pic.twitter.com/Q0sPvolj5e
— paja_kamiondzija (@PKamiondzija) August 24, 2021