Реал Мадрид со 3:1 го победи Еспањол во Барселона и Кралевите останаа лидери во шпанското првенство. Карим Бензема по кој знае кој пат беше херој на Реал откако при резултат 1:1, најпрво погоди во 88-мата минута за водство, а потоа даде и уште еден гол за 3:1.
Бензема од август 2009 година е во Реал и ја започна 13-тата сезона, а интересно е дека синоќа прв пат успеа да постигне гол од слободен удар. Голгетерот има над 600 меча во дресот на Кралевите и 327 погодоци, а синоќа прв пат погоди од слободен удар како играч на шпанскиот гигант.
Интересно е дека Бензема последен пат имаше погодено од слободен удар додека го носеше дресот на Олимпик Лион, и тоа во април 2008 година.
1 – Karim Benzema scored his first direct free kick for Real Madrid in all competitions last night and his first since April 2008 with Lyon against Caen in Ligue 1. Special. pic.twitter.com/pMyqnUGBRf
— OptaJean (@OptaJean) August 29, 2022
