Пред натпреварот со Германецот Штруф, најдобриот светски тенисер, Новак Ѓоковиќ, доживеа мала непријатност при влезот во комплексот во кој се игра Отвореното првенство на САД.
Кога дојде до редарот и да постави торбата за преглед, чуварот му ја побара акредитацијата. Новак тогаш се сети дека ја заборавил. Иако сите знаат кој е тој, секој мора да се легитимира при влезот. Ѓоковиќ го зеде телефонот и му се јави на некого од неговиот тим, па две минути чекаше да му ја донесат акредитацијата.
Додека чекаше, тој беше љубезен кон чуварот.
„Како животот? – беа зборовите со кои Новак го почна разговорот.
„Добро, не е лошо. Стојам тука 14 часа“ – беше одговорот на редарот.
„Господе! Дали смеете да седнете, да јадете?“ – праша Ѓоковиќ.
„Да, се разбира“.
Тогаш стогна акредитацијата, по што човекот од обезбедувањето му посака среќа на Ѓоковиќ, на што Ноле му се заблагодари и му посака благослов од Господ.
Вечерва на САД опен, Ѓоковиќ игра осминафинале против Пабло Карењо Буста (27-ми на АТП листата) против кого има 3-0 во меѓусебните дуели. На тврда подлога играа само лани кога беше 6-3, 6-4. Потоа победникот оди во четвртфинале со Гофан или Шаповалов.
https://www.youtube.com/watch?v=0qDCWnWBNl8&feature=emb_title