Тричко е фудбалски мит во Кипар, а новиот покер голови, втор сезонава за македонскиот репрезентативец и буквално со многу комплименти го опеаја тамошните медиуми.
„Тричко е мит, а неговите фудбалски претстави сезонава се незаборавни“, пишува „24 Спорт“. И навистина подвигот на капитенот на АЕК Ларнака е нестварен, бидејќи постигна четири гола за нешто повеќе од половина час во второто полувреме.
Почна да ја тресе мрежата на некогашниот соиграч од македонската репрезентација Мартин Богатинов во 58. минута, а потоа беше прецизен уште трипати за голем пресврт од 0:2 до 5:2 против Ахна на гостински терен.
Погледнете ги сите голови на мечот, со напомена дека стрелец на првиот гол за поразениот тим беше нашиот интернационалец Јован Костовски, кој игра за Ахна.