Македонската фудбалска репрезентација во октомври ќе продолжи со обврските во квалификациите за Европското првенство 2020 година. Првиот натпревар Македонија ќе го игра на арената „Тодор Проески“, кој е закажан на 10 октомври, а ни гостува селекцијата на Словенија.
Од денес во продажба се пуштени влезниците за тој натпревар, а цените варираат од 50 до 200 денари. Најевтините билети се наменети за западната трибина, додека на Југ и Север сумата на еден билет чини од 150 до 200 денари, во зависност од седиштето.
ФФМ ги повикува сите љубители на фудбалот и поддржувачи на македонската репрезентација со фер и коректно навивање да им помогнат на нашите Рисови да дојдат до вредни бодови против една од селекциите која цели на висок пласман во квалификациската група.
По шест меча, Македонија е на четвртото место во групата Г со осум освоени бода, исто толку има и Израел. Трети се Австријците со 10 бода, следува Словенија со 11 и на врвот е Полска со 13 бода.
Токму по дуелот со Словенците, Македонија три дена подоцна ќе гостува во Варшава, кај лидерот Полска.
