„Бомба“ од Шпанија, Барселона добива супер засилување!

Рахим Стерлинг ќе биде нов играч на Барселона во јануари, ако може да се верува на каталонските медиуми.

Англискиот репрезентативец и член на Манчестер сити во наредниот трансфер период ќе дојде како позајмен играч, а истиот потоа ќе може да биде откупен за 60 милиони евра.

Стерлинг падна во втор план кај Пеп Гвардиола и наводно нема ништо против овој трансфер, а таква е и намерата на „граѓаните“. Барса се обиде во летниот период да го доведе истиот играч, но, до договор не дојде. Сепак, клубовите продолжија со преговарање и според последните информации, истите одат во одличен тек.

Репрезентативецот на Англија во Манчестер дојде од Ливерпул и на 297 одиграни натпревари има постигнато 115 гола.