Борусија Дортмунд ќе направи обид да го привлече братот на Еден Азар – Торган, кој игра за Борусија Менхенгладбах, а трансферот би можело да се случи уште во зимскиот трансфер-период, објавија германските медиуми.
Торган Азар, кој има 25 години, прикажува одлични игри сезонава. Има 7 гола и 4 асистенции во мечевите од Бундеслигата и е еден од најзаслужните што Борусија Менхенгладбах е втора на табелата, пред Баерн Минхен.
За белгискиот интернационалец, Дортмунд е подготвен да инвестира 30 милиони евра. Друго е прашањето дали од Менхенгладбах ќе прифатат да продадат еден од најдобрите играчи на директен конкурент во германското првенство.
