Тажна и шокантна вест дојде вечерва од Србија. Според „Телеграф“, братот на поранешниот српски репрезентативец Немања Видиќ е пронајден мртов. Поранешниот капитен на српската репрезентација сè уште не дал јавна изјава во врска со оваа семејна трагедија.
Немања Видиќ, поранешен фудбалер на Црвена ѕвезда, Манчестер јунајтед, Интер и Спартак ретко зборувал за својот приватен живот во текот на својата кариера и секогаш ги држел членовите на своето семејство подалеку од очите на јавноста и вниманието на медиумите, па затоа неговиот брат речиси никогаш не се појавувал во јавноста.
Сепак, според достапните информации, Душан и Немања тренирале заедно како деца во локалниот клуб Јединство Ужице. Подоцна тој се откажал од фудбалската кариера.
Во моментов нема повеќе официјални информации за околностите на овој трагичен настан.
