За првпат во самостојна Македонија, Вардар ќе мора да игра во Втора лига. Ова стана јасно откако во претпоследното коло најтрофејниот тим загуби на гости кај Струга и со тоа ги загуби и теоретските шанси да се спаси од испаѓање.
Навивачите на Вардар веќе со години се збратимени со фановите на германскиот гигант Шалке 04. Популарните Комити и фановите од групата УГЕ сега си даваат поддршка во тешките моменти за двата тима затоа што и Шалке 04 испадна од Бундеслигата.
Пораката за Вардар од Гелзенкирхен е јасна и вели: Заедно паднавме, заедно повторно ќе се кренеме. Ајде напред Шалке и Вардар!
