Играчот за врска на Ливерпул, Фабињо најверојатно ќе го напушти англискиот гигант. Тој беше изоставен од екипата која замина на подготовки во Германија.
Бразилскиот репрезентативец има понуда од Саудиска Арабија. Екипата на Ал-Итихад нуди 40 милиони фунти на Ливерпул за трансфер, плус одлична плата за фудбалерот.
BREAKING: Fabinho has been left out of Liverpool’s pre-season squad to travel to Germany. pic.twitter.com/RbGIvGxtlR
— Liverpool News (@LFCVine) July 15, 2023
Фабињо кој има 29 години, е еден од најважните играчи на Ливерпул во ерата на Јирген Клоп. На „Енфилд роуд“ дојде во 2018 година и вкупно одигра 219 мечеви во кои успеа да се радува на титулите во Премиер лигата, Лигата на шампиони, ФА Купот, Лига Купот и Суперкупот на Европа. Има постигнато и 11 голови во дресот на Ливерпул.