Буцкото од ДР Конго кој стана планетарна ѕвезда, доби порака од Шекил О`Нил (Видео)
Мвумби кој има многу повеќе килограми отколку што стои на сајтот на ИХФ, доби прекар, „Ракометен Шек“.
Досегашниот тек на Светското првенство во ракомет кое се игра во Египет, го одбележуваат откажувањата на репрезентации во последен час, лошата организација и „полничкиот“ пивот на ДР Конго, Готје Мвумби. Фотографиите и снимките од Мвумби ја обиколија планетата, а тој покажа дека знае и да игра ракомет, на двата меча против Аргентина и Данска даде 8 гола од 9 обиди, што е одличен учинок.
Очигледно е дека за игра во напад, на Мвумби воопшто не му пречи огромниот стомак. Интересно е што на сајтот на СП, стои дека Мвумби има само 89 килограми. Некои информации на ИХФ велат дека има 110 кила, но и тоа не е точно и податокот е застарен. Мвумби има над 130 килограми, што и самиот го признава.
Откако Мвумби стана вирален на социјалните мрежи, му се јави и Шекил О‘Нил, некогашниот славен кошаркар кој беше познат во светот токму по корпулентноста и што прекумерната тежина не му беше проблем да доминира под обрачите.
Мвумби доби прекар ракометен Шек, а и самиот Шек се согласува со тоа и упати поздрав до Конгоанецот.
https://twitter.com/i/status/1350699650022580224
