Од 17 часот во Неапол ќе се изврши ждрепка за составот на групите на Европското првенство во одбојка за мажи, кое следното лето ќе се игра во Италија, Бугарија, Македонија и Израел.
На Европското првенство ќе настапат 24 репрезентации во четири групи, една од нив во Скопје, во арената „Борис Трајковски“ од 20 август до 6 септември 2023 година.
Како коорганизатори, сместени сме во првиот шешир, што е одлична стартна позиција за поволна ждрепка која ќе ни даде шанса да извојуваме некоја победа.
Македонските одбојкари трети пат по ред ќе играат на ЕП, а на свој терен ќе сакаат да го поправат впечатокот од Тампере лани, кога немаа ниту една победа.
„Си посакувам поволна ждрепка, особено да ги избегнеме фаворитите од четвртиот, петтиот и шестиот шешир. Минатото ЕП не победивме ниеднаш, овојпат на свој терен верувам во победи, зошто да не и пласман во следна фаза како круна на оваа генерација“, вели капитенот Никола Ѓорѓиев.
Прв шешир: Италија, Бугарија, Македонија, Израел
Втор шешир: Словенија, Полска, Србија, Холандија
Трети шешир: Германија, Чешка, Франција, Украина
Четврти шешир: Турција, Финска, Белгија, Португалија
Петти шешир: Грција, Шпанија, Романија, Швајцарија
Шести шешир: Данска, Црна Гора, Естонија, Хрватска