Се чини дека чистката во екипата на Челзи почна од голманите. Сините во составот имаа дури деветмина голмани под договор, а сега двајца од нив си заминаа од „Стемфорд бриџ“, но само како позајмени.
Кепа Аризабалага сезоната ќе ја има во премиерлигашот Борнмут, додека младиот Србин, Ѓорѓе Петровиќ, сезоната ќе ја мине како позајмен во францускиот Стразбур. Двете екипи на крајот од сезоната имаат право на откуп на договорите. Ситуацијата за Петровиќ е полесна, но Борнмут тешко дека ќе може да го откупи договорот на Кепа, со оглед на големите финансиски барања на шпанскиот голман.
