Србинот Душан Влаховиќ со два гола, двата од пенал, им донесе победа на Виолетовите од Фиренца на гостувањето во Бергамо кај Аталанта од 2-1, а и голот за Божицата кој го даде Дуван Запата, беше од пенал.
После три кола, Фиорентина има 6, а Аталанта четири бода.
Влаховиќ потврди дека е опасно оружје на Фиорентина. Во календарската 2021 година, во топ 5 лигите, повеќе голови од него имаат само Левандовски, Меси и Халанд.
Аталанта не беше во форма вечерва. Првпат откако на клупата е седнат тренерот Гасперини, Аталанта упати само еден шут кон противничкиот гол во целото прво полувреме.
