Судот во Португалија ја одреди казната за хулиганите кои ги нападнаа играчите на Спортинг Лисабон во клупскиот тренинг-центар, инцидент кој се случи на 15 мај 2018 година. Од вкупно 44 обвинети, деветмина добија затворски казни до пет години, а меѓу нив е и поранешна чирлидерка на бразилскиот третолигаш Хувентуд, Леонина Мендеш.
Дури 28 напаѓачи добија затвроска казна од три и пол до четири години и 10 месеци, додека напаѓачот кој му нанесе повреди на Бас Дост на главата е осуден на четири години и 10 месеци затвор, како и 200 часа општествена работа.
Меѓу обвинетите беше и поранешниот претседател на клубот Бруно де Карвалјо, за кого се сомневаше дека го организирал нападот и ги пуштил хулиганите да влезат во тренинг-центарот, меѓутоа тој избегна санкција.
За време на нападот во комплексот се наоѓаше и македонскиот репрезентативец Стефан Ристовски, но помина без повреди, додека голем дел од фудбалерите по тој инцидент ги раскинаа договорите со клубот, како и тренерот Жорж Жесус.
