Дерби каунти преживува тешки моменти и денеска е казнет со одземање 12 бода во Чемпионшип лигата, а поради финансиски проблеми, доби и административна управа.
Клубот со 137-годишна традиција е еден од основачите на англискиот фудбалски шампионат во 1888 година, заедно со уште 11 клуба како дел од популарните „Оригинални 12“.
Популарните Овни имаат две шампионски титули во Англија и еден пехар во ФА купот.
Сега има големи маки со финансиската криза и од денеска продолжува со административна управа од три члена и со минус од 12 бодови во продолжението на натпреварите во Чемпионшип лигата, која е втора по ранг во Англија.
Денешната одлука ги урна плановите на менаџерот Вејн Руни за атак на местата што водат во Премиер лигата.
Моментно Дерби има 10 бода по 8 кола, но ќе продолжи од идната рунда со минус два бода на последното место на табелата.