Борна Чориќ приреди изненадување во третото коло на ОП на САД елиминирајќи го фаворитот Стефано Циципас со 3-2 (6-7, 6-4, 4-6, 7-5, 7-6) во сетови. Хрватскиот претставник по четири часа и речиси 40 минути ја доби драмата против шестиот најдобар тенисер во светот и закажа осминафинална пресметка со Џордан Томпсон.
Уште во првиот сет се најави драматичниот дуел меѓу Чориќ и Циципас, откако Гркот поведе со 1-0 по тајбрејкот кој го доби со 7-2. Циципас имаше и водство од 2-1 во сетови, меѓутоа Чориќ ги освои следните два сета со по седум гема на своја страна, односно ја искористи третата меч топка во тајбрејкот од клучниот сет за конечни 7-4.
Новак Ѓоковиќ претходно лесно стигна до осминафиналето, откако со убедливи 3-0 (6-3, 6-3, 6-1) во сетови го надигра Штруф. Ѓоковиќ за точно 95 минути ја заврши работата и сега му следува дуел со Карено-Буста за пласман во топ 8 фазата на ОП на САД.
