Искусниот италијански тренер, Делио Роси (62), е во преговори со фудбалската асоцијација на Малта и најверојатно ќе стане селектор на еден од противниците на Македонија во квалификациите за Европското првенство 2024 година.
Роси во богатата и долга тренерска кариера, водел многу клубови низ Италија, а ова може да му биде прв ангажман како селектор.
Тој има работено со тројца од најдобрите македонски напаѓачи во историјата. Цели четири сезони му беше тренер на Горан Пандев во Лацио, а пред три и пол години, на кратко им шефуваше и на Александар Трајковски и Илија Несторовски во Палермо.
