Иван Чупиќ ја доби честа да го крене пехарот во Суперлигата, кој е 14-ти освоен за Вардар во клупската историја по денешната победа над Металург за потврдување на статусот на старо-нов шампион.
Искусниот Хрват по пет години се разделува со Црвено-црните, при што емотивно се прости и даде изјава на македонски јазик.
„Во овие пет години минавме многу убави моменти заедно. Ќе го паметам секој поминат ден во овој клуб, кој ми даде толку многу. Македонија и Скопје ми се како втор дом, многу ми е мило што заминувам со двојна круна“, се обрати Чупиќ.
Од следната сезона Чупиќ ќе ги брани боите на ППД Загреб.
