Српскиот фудбалер Андрија Луковиќ синоќа со интересен гол од слободен удар му донесе победа на Фамаликао на гостувањето кај Санта Клара од 2-1 во португалската лига.
Беше досуден слободен удар за Фамаликао, и поради позицијата од која требаше да се изведе, сите очекуваа Луковиќ да нафрли, но наместо тоа, тој реши да ги изненади противниците, најмногу голманот, и шутна директно во голот. За негова среќа, го фати голманот неподготвен за такво нешто и топката влезе во голот. Трикот на фудбалерот кој пред осум години на Србите им донесе светска титула во конкуренција на играчи до 19 години, успеа.