Со одлуката од минатиот викенд на Чави Ернандес да си замине од клупата на Барселона по завршување на сезоната, управата веднаш тргна во потрага по негов наследник, и во „океанот“ од нови тренери, викендов исплива ново име.
Медиумите цела седмица шпекулираат со тоа кој ќе ја предводи Барселона следната сезона, се споменуваа тренерот на Жирона, Мичел, со Луис Енрике, со Ханси Флик, а денеска Радио Каталонија објави дека спортскиот директор Деко е пред договор со актуелниот тренер на Порто, Сержо Консеисао.
🚨 Sergio Conceiçao meets several requirements to become the new Barcelona manager. He's also free at the end of the season so he could come at zero cost. @sanantheone pic.twitter.com/hqOXyczT73
— barcacentre (@barcacentre) January 31, 2024
Според радиото, Деко веќе имал разговор со Консеисао кој наводно испратил позитивни сигнали и сега Португалецот е главен фаворит да го наследи Чави.
🚨🚨🌕| BREAKING: Deco has approved Porto coach Sergio #Conceicao, as the replacement of Xavi. @CatalunyaRadio pic.twitter.com/HIvx4Hn5X4
— Barça Media (@Barcamedia) February 4, 2024
Сержо Консеисао од 2017 година седи на клупата на Порто и остварува одлични резултати. Со Порто освои три шампионски титули, а трипати триумфираше и во португалскиот Куп и Суперкуп, а еднаш го крена и трофејот во Лига Купот. Консеисао исто така трипати беше прогласуван за тренер на годината во Португалија.