Навивач на Мајнц пред неколку дена го поништи сезонскиот билет бидејќи не сакал да гледа како црномурни фудбалери преводалуваат во стартниот состав за тимот за којшто навива целиот свој живот. Бундеслигашот со џентлменски одговор му врати на фанот дека таквите како него не се добредојдени во клубот, кај нив нема простор за расизам.
„Секогаш ни е жал кога ќе изгубиме член, но не и во овој случај. Точно е дека ти не можеш да бидеш дел од нашата организација бидејќи за разлика од тебе, ние апсолутно не ги делиме нашите играчи според бојата на кожата и нивните верувања. Искрено, се радуваме што го откажа членството бидејќи во нашиот клуб нема место за расисти како тебе. Нашите легенди кои ги спомна, како Николче Новески, Марко Розе и останатите, се сосема задоволни од нашиот состав и неизмерно нè поддржуваат, за разлика од тебе“, стои во дел од соопштението.
Nicht alle Kündigungen bekümmern uns, manchmal sind wir sogar erleichtert! #Mainz05 – kein Platz für Rassismus! https://t.co/1rziUkOBwR pic.twitter.com/3DplsQjhQ5
— 1. FSV Mainz 05 (@1FSVMainz05) June 8, 2020
Контроверзите со расизмот во изминативе неколку години зачестија во фудбалот во дел од топ-5 лигите во Европа, најмногу во Серија А, каде што последно Балотели беше навредуван на расна основа од страна на навивачите на Лацио.
