Џулиен Алфред е олимписката шампионка на 100 метри откако оствари победа пред ШаКари Ричардсон, со време од 10.72 секунди. Таа трча под знамето на Сент Лусија, мала земја со околу 160.000 жители, за која ова е првиот златен медал во историјата.
Второто место го освои ШаКари Ричардсон (10.87 секунди), а третопласирана беше Мелиса Џеферсон (10.92 секунди).
Главниот настан во женскиот спринт ги немаше трите јамајкански атлетичарки кои освоија злато, сребро и бронза во Токио пред три години.
Двојната олимписка шампионка Илејн Томпсон-Хера мораше да се повлече од Олимписките игри во Париз 2024 поради повреда на Ахиловата тетива. Шерика Џексон се повлече од натпреварот на 100 метри за да се фокусира целосно на трката на 200 метри.
Јамајканската икона Шели-Ен Фрејзер-Прајс, која го имаше второто најбрзо време во квалификациите, се повлече од полуфиналето поради повреда за време на загревањето.
Тоа отвори можност за спринтерки како Ричардсон, која постави рекорд на шампионатот со време од 10.65 за да го освои минатогодишното светско првенство на 100 метри.
Меѓутоа, тука беше Џулиен Алфред, која освои злато на 60 метри на Светското првенство во сала оваа година, која го постави најбрзото време во полуфиналето.
Имаше драма само неколку минути пред закажаното финале на 100 метри кога силен дожд го погоди „Стад де Франс“.
