Голманот на македонската репрезентација Столе Димитриевски синоќа одигра фантастичен меч на „Сантијаго Бернабеу“ не дозволувајќи неговиот тим Рајо Ваљекано да прими гол и со неверојатните одбрани ги излуде ѕвездите на Реал Мадрид.
Токму со една од најголемите ѕвезди на Кралевите, Винисиус жуниор, имаше вербален дуел и кој сакаше физички да се пресмета по мечот.
Натпреварот во финишот мораше да биде прекинат на неколку моменти за да може на Димитриевски да му се укаже лекарска помош, а откако играта продолжи, Винисиус му пријде на Димитриевски и му рече: „Јас и ти, надвор, ти и јас, надвор“.
Stole Dimitrievski on the incident with Vinicius Jr:
"What about Vinicius? These are things that happen on the field, it's normal. Everything stays inside the field."
"Seeing him later was a good feeling, it’s not personal between us."
[@elchiringuitotv] pic.twitter.com/7PSeNB5vzr
— LaLigaExtra (@LaLigaExtra) November 5, 2023
По мечот, Димитриевски, кој беше прогласен за најдобар играч на натпреварот, во изјава за емисијата „Ел Чирингито“ рече дека не гледа ништо спорно во „дуелот“ со Бразилецот“.
💣 "¿Lo de VINICIUS? Son cosas del CAMPO, es NORMAL".
😅 "Lo de VERNOS luego era de BUEN ROLLO, si le veo le habría dado un ABRAZO".
STOLE DIMITRIEVSKI, EN DIRECTO con @EduAguirre7 en #LaHoraAntes. pic.twitter.com/kPC226rJEx
— El Chiringuito TV (@elchiringuitotv) November 5, 2023
„Ништо не се случи. Тоа е нормално на крајот. Тој сакаше да дојде до топката, но јас го истегнав зглобот и паднав. Едноставно, тоа е дел од играта и ништо повеќе“, објасни Димитриевски.
За зборовите кои Винисиус му ги кажа при расправијата, Димитриевски рече дека „тоа се работи кои остануваат на теренот“.
„Тие се нормални работи што можат да се случат. Беше урнебесно и јас не му придавам големо значење на тоа. Дали сум зборувал со Винисиус за да го решиме тоа? Ми велеше „се гледаме во соблекувална“, но во добар тон. Но, не се видовме. Доколку го видев, секако ќе го прегрнев бидејќи ова е фудбал“, изјави Димитриевски.
