Јувентус минатата сезона ја заврши без ниту една титула, што беше знак за вклучување на алармот кај челниците на клубот. Најтрофејниот италијански клуб е многу активен во овој преоден рок и веќе доведе две екстра докажани фудбалери. Пол Погба се врати во Торино, додека за прв пат „црно-белиот“ дрес ќе го облече Анхел ди Марија.
Погба и Ди Марија се играчи кои знаат како се освојуваат трофеи, а тоа што е многу значајно за Јувентус е дека двајцата дојдоа како слободни фудбалери, што значи дека не платија ниту едно евро за нивните трансфери.
Покрај Погба и Ди Марија, во Јувентус се очекува летово да биде направен уште еден голем трансфер, а тоа е доведување на Николo Заниоло од Рома.
Заниоло има активен договор со Рома и доколку Јувентус сака да го доведе, според италијанските медиуми, ќе треба да плати меѓу 45 и 50 милиони евра како оштета која ќе заврши на светката на Римската волчица. Постои опција и Заниоло да дојде како позајмен игра за сума од 10 милиони евра, а потоа да може да го откупи договорот за дополнителни 30 милиони евра.