Филип Кузмановски е еден од оние играчи за коишто се очекува да прераснат како едни од носителите на играта. Играчот на Магдебург верува дека Македонија утре ќе стартува со победа.
„Фокусирани сме за дуелот со Украина. Добро го анализиравме противникот. Денес ги имаме последните анализи. Фокусирани сме, влегуваме како благи фаворити и верувам дека утре ќе стартуваме со победа. Ние помладите сме подготвени да им дадеме подршка на поискусните. Видов како е да се игра во Бундеслигата, мотивиран сум да докажам дека сме созреани за квалитетен настап на големо натпреварување“, вели Кузмановски.
