Поранешниот член на Бостон селтикс, Кајри Ирвинг, со 39 поени се обиде да му донесе победа на Бруклин нетс и да ја замолкне бостонската публика која постојано го исвиркуваше, но, сепак, Келтите беа тие што се радуваа со 115-114 за водство од 1-0 во ова плејоф-серија на Истокот во НБА-лигата.
Ирвинг беше навредуван, а и тој им враќаше, тоа го чека и на вториот меч, а јунак на Селтикс беше Џејсон Тејтум, кој го даде победничкиот кош во последната секунда за огромна радост во „ТД Гарден“.
Милвоки го совлада Чикаго со 93-86, двата тима потфрлија во нападот, а Јанис Адетокумбо со 27 поени и 16 скока беше вистински лидер на Елените. Кај Булс, се истакна Никола Вучевиќ со 24 поени и 17 скока.
Феникс со победа од 110-99 над Њу Орлеанс, тргна на пат кон титулата. Крис Пол со 30 поени, од кои 19 во последната четвртина, беше најзаслужен за победата. Девин Букер уфрли 25, а Деандре Ајтон 21 поен.
Мајами го запре Тре Јанг само 8 поени, а Жешките погодија и 18 тројки, па триумфот над Атланта беше рутински, со 115-91. Убедливи на свој терен беа и Голден стејт против Денвер (123-107) и Филаделфија против Торонто со 131-111.
Ова е кошот на Тејтум за победа на Бостон:
TATUM CALLED GAME ‼️ pic.twitter.com/8slEipnVp2
— Bleacher Report (@BleacherReport) April 17, 2022
