Тампа беј буканирс се новите шампиони на НФЛ по победата од 31:9 над бранителот Канзас сити чифс. Неверојатниот Том Брејди докажа дека годините се само бројка, па на 43 години блесна во големото финале и ја предводеше екипата до само втора Супербол-титула по 19 години пауза.
Брејди во своето 10-то финале во кариерата диригираше на домашниот терен во Тампа за освојување на седми шампионски прстен, додека по петти пат беше избран за МВП на финалето.
HOW ABOUT THAT?! #SBLV@TomBrady | @Buccaneers pic.twitter.com/dmIlM7jWxc
— NFL (@NFL) February 8, 2021
Канзас ја отворија средбата поведувајќи со 3:0, но потоа Брејди стапи на сцената и со три успешни додавања за тачдаун, од кои две додавања беа за Гронковски, им донесе пресврт на Баканирс од 21:6 на полувремето.
Канзас и второто полувреме го отвори со филд-гол на Баткер, но потоа следуваше нов тачдаун во изведба на Фурнет за 28:9 во корист на Тампа беј. До крајот дилемите ги реши Сакоп со филд-гол од 52 јарди за недостижни 31:9.
