Далас маверикс на свој терен загуби од Феникс санс со 126:130, во меч кој беше решен во последната секунда. Ова беше важен меч за двата тима кои се борат за место во плејофот. Феникс со овој триумф стигна до 36 победи во 65 меча, а Далас остана на 33 победи во 65 дуели.
Во текот на мечот двата тима се менуваа во водство, па некако нормално делуваше победникот да се решава во последните моменти. При резултат 126:126, Кевин Дурант погоди за гостите кои поведоа со 128:126.
https://twitter.com/i/status/1632480583095054336
Во последниот напад на Далас, Дончиќ ја имаше топката, шутираше од близина, но промаши и потоа веднаш направи фаул над Дурант. Изнервираниот Дончиќ потоа влезе во конфликт со Девин Букер, но за среќа, тој вербален дуел не прерасна во посериозна пресметка.
Dončić errando a bandeja mais fácil da carreira e logo depois foi dar um beijo no Booker, que sequência pic.twitter.com/msBVBYRD64
— Giro Baska (@GiroOfc) March 5, 2023
На крајот, Дурант со 37 поени и Букер со 36 беа предводници на Сонцата до победата, а Дончиќ со 34 и Ирвинг со 30 поени беа најефикасни кај домашниот тим.