Дриблингот на Јанг „крши кичми“, настрадаа Гибсон и Њујорк никс (Видео)

Тре Јанг имаше фантастична вечер во култниот „Медисон Сквер гарден“ и постигна 45 поени во победата на Атланта хоукс против Њујорк никс со 117:111.

Бекот на Атланта беше незадржлив, а со дриблинзите и одличниот шут што му беше со прецизност од над 50 отсто приреди блескаво шоу.

– 45 PTS
– 8 AST
– 7 3PT
– Nasty crossover

Trae Young runs New York. pic.twitter.com/VuYPdkL84K

— Bleacher Report (@BleacherReport) March 23, 2022

Во еден момент од мечот со дриблинг и буквално го „легна“ на паркетот Таџ Гибсон и потоа лесно поентираше.

to make Trae Young dropping Taj even worse, he did this on national tv which means the NBA has the phantom cam there to get the footage with the taunt too. pic.twitter.com/Nu4DTpIScZ

— Rob Perez (@WorldWideWob) March 23, 2022

Одлично одигра и српскиот репрезентативец Богдан Богдановиќ со учинок од 32 поени, а Атланта забележа веројатно и клучна победа за настап во плејофот.

На десет меча до крајот на регуларниот дел, Хоукс се на 10-тата позиција, последна која води во доигрувањето со шест победи повеќе од Вашингтон и токму од Њујорк никс.

На врвно ниво ноќеска одигра и Никола Јокиќ со учинок од 30 поени, 14 скока и 6 асистенции и го предводеше Денвер нагетс до победа од 127:115 против Лос Анџелес клиперс.

Шампионот Милвоки бакс го прегази Чикаго булс со 126:98, а изненадување приреди Орландо меџик со победа од 94:90 против Голден стејт вориорс.