Џонатан Родригес Менендес е еден од ретките фудбалери што дури четири пати се враќал во редовите на ист клуб, а љубовта кон Спортинг Хихон пак го доведе на култниот стадион „Ел Молинон“.
Популарниот Џони по сè изгледа не може без фанатичната атмосфера на стадионот на Спортинг, а во Шпанија велат дека е меѓу најдобрите и најбучните во конкуренција на сите стадиони, па повторно напраби камбек.
Сега ќе игра како позајмен фудбалер од Лацио, а ова му е покер камбек во Спортинг.
Comunicado oficial: Jony Rodríguez.#LatimosJuntos#RealSporting
— Real Sporting (@RealSporting) July 28, 2022
Првпат 31-годишното крило дојде во клубот од Хихон во 2013 година, потоа следната година потпиша официјален договор со Спортинг, па следуваше камбек во 2018 година и сега како позајмен играч од Лацио.
Џони има играно и за Овиедо, Малага, Алавес и Осасуна од попознатите клубови, а во рана возраст беше член и на познатата фудбалска Академија на Барселона „Ла Масија“ од 2008 до 2010 година.