Црвена ѕвезда го доби „вечното дерби“ против Партизан со убедливи 3-0 и со тоа и официјално ја осигура 37-та шампионска титула.
Натпреварот во Белград доби и дополнителна емоционална нота поради присуството на поранешниот македонски репрезентативец Митко Стојковски.
Пред стартот на дербито, некогашниот капитен Митко Стојковски излезе пред навивачите и беше пречекан со бурни овации, во атмосфера исполнета со силни емоции. Во тој момент од трибините се слушаше и песната „Ѓурѓевдан“, како симболична почит кон неговиот настап во јубилејното стото дерби, кога токму тој беше меѓу клучните актери со изнуден пенал и постигнат гол.
