Елмас конечно се израдува на победа во Европа, Инсиње постигна мајсторски гол за Наполи (Видео)

Елиф Елмас конечно се израдува на прва европска победа со Наполи во тековниот циклус натпреварфи во Лигата на Европа, а со прекрасните голови на Лоренцо Инсиње, на Виктор Осимен и на Матео Политано, Наполитанците ја победија Легија со 3:0.

Нашиот репрезентативец го одигра целиот меч, што домаќините го решија со три гола во последните 20-тина минути, а токму Елмас беше асистент за убавиот погодок на Матео Политано во 95-тата минута.

Инсиње постигна мајсторски гол во 76-тата минута и ја круниса апсолутната доминација на лидерот во Италија.

https://www.youtube.com/watch?v=V0x8M0ZrJ-w

Потоа и Осимен постигна прекрасен гол со лоб удар, но беше поништен поради офсајд. Но Нигериецот, кој е во страшна гол-форма, беше на вистинското место во 80-тата минута и со нов погодок ја запечати првата победа на својот тим во третото коло во фазата по групи во Лигата на Европа. Во самиот финиш на мечот и Политано беше стрелец за убедливи 3:0.

Од 21 часот се играа уште 8 меча, а највпечатлив е пресвртот на Лион во Прага. Спарта водеше со 2:0 по 20 минути игра, но Лавовите од „Жерлан“ направија голем пресврт и со четири гола по ред победија со 4:3.

Резултати, Лига на Европа: Наполи – Легија 3:0, Спарта Прага – Лион 3:4, Ајнтрахт – Олимпијакос 3:1, Локомотив Москва – Галатасарај 0:1, ПСВ Ајндховен – Монако 1:2, Глазгов ренџерс – Брондби 2:0, Штурм – Реал Сосиедад 0:1, Вест хем – Генк 3:0.

Резултати, Конференциска Лига на УЕФА: Партизан – Гент 0:1, Базел – Омонија 3:1, Клуж – АЗ Алкмар 0:1, ЦСКА Софија – Зорја 0:1, Јаблонец – Рандерс 2:2, Слован Братислава – Линколн 2:0.

- Оглас -

Најнови вести