Елиф Елмас и Наполи се сè поблиску до шампионската титула во Серија А, а многу важна е победата во Сончевото дерби на Италија против Рома со 2:1.
Вчера Наполи беше подобар од Римската волчица и по 20 кола од вкупно 38, има предност од 13 бода пред Интер, по 15 пред Лацио, Милан и Аталанта и 16 од Рома.
По мечот со Рома атмосферата на и надвор од стадионот „Диего Армандо Марадона“ беше спектакуларна, а навивачите не го пуштаа дури ни сопственикот Аурелио де Лаурентис да си замине.
И тој се радуваше со симпатизерите на Наполи, но и не успеа да ги наговори да му ослободат пат за да си замине со својот автомобил.
Napoli’s President, De Laurentiis trying to leave the stadium last night 😂😂 pic.twitter.com/RAQtG4kSBX
— Italian Football TV (@IFTVofficial) January 30, 2023
Наполи над три децении чека шампионска круна во Италија, а ги има две, едната во сезоната 1986/87 и потоа во 1989/90.
Во двете титули значаен продонес имаше иконата на клубот Диего Армандо Марадона, кој почина во ноември 2020 година, а по него е именуван стадионот на Наполи.
