Еурофарм Пелистер со победата на гостувањето кај ГРК Тиквеш во Кавадарци, покажа дека е главен кандидат за титулата во ракометното првенство на Македонија и оваа сезона.
Битолчани победија во салата „Јасмин“ со 24-21, и ја задржаа предноста од три голови разлика (13-10) која ја имаа по првото полувреме на ова гостување кое е незгодно за сите противници на Тиквеш, но пелистерци имаат исклучително добар скор во меѓусебните дуели против кавадарчани во последните сезони и редовно победуваат.
