Евролигата не се откажува од доигрување на сезоната
Нема одлука за прекин, но ќе се чекаат подобри времиња за остварување на целта.
Бордот на директори на кошаркарската Евролига на денешниот состанок одлучи да не ја откаже сезоната. Иако повеќе од две недели не се игра кошарка во Европа и тешко е да се каже колку ќе трае паузата, челниците на Евролигата ќе почекаат подобрување на условите.
Засега не се планира ниту менување на форматот (ќе се игра четвртфинале на елиминации и фајнал-фор за одредување на шампионот), но сепак ако има потреба од преадаптација, и тоа ќе се случи.
По излегувањето од дома, веројатно ќе се забрза распоредот на мечеви, но прашање е како ќе се изведе тоа кога клубовите имаат обврски и во домашните првенства.
