Поранешниот шпански репрезентативец, Сеск Фабрегас, се очекува да биде назначен за главен тренер на италијанскиот второлигаш Комо. Тој досега ги предводеше младинците на овој клуб, а сега треба да го замени Морено Лонго, кој доби отказ од функцијата тренер на првата екипа.
Фабрегас во својата кариера настапуваше за Арсенал, Барселона, Челзи, Монако и Комо, кој му беше последен клуб пред да ја започне тренерската кариера. Комо во моментов се наоѓа на шестата позиција во италијанската Серија Б со осум поени помалку од лидерот Парма. Амбициите на клубот се пласман во Серија А, а токму во Фабрегас се гледа како на човек кој заедно со фудбалерите може да го оствари тоа.
