Србија и Швајцарија играат нерешено 2:2 по првото полувреме, во меч од третото коло во групната фаза на Светското првенство. Ова е дуел кој директно треба да реши за селекцијата што ќе се приклучи на Бразил во осминафиналето на Мундијалот, а Швајцарија е во пол позиција затоа што ремито нив им е од корист.
Швајцарија подобро го почна мечот и со голот на Шаќири во 20 минута поведе со 1:0.
Србите брзо се вратија во игра и во следните 16 минути постигнаа два гола за комплетен пресврт. Најпрво Александар Митровиќ израмни на 1:1 по асистенција на Тадиќ, а потоа и Влаховиќ погоди за водство од 2:1 за Србија.
Кога се чинеше дека Србија ќе има предност на полувреме, Швајцарија изведе одлична акција и со голот на Емболо во 44 минута стигнаа до 2:2.
