Реномираниот боречки турнир „Македонски Бисер“ го заокружи своето 49-то издание, а победничкиот трофеј остана дома, во рацете на македонскиот борач Фати Весели.
На овој престижен настан, кој и годинава привлече врвни спортисти од регионот, беа доделени и почесни признанија. Реџеп Хајдари се закити со титулата за најдобар домашен борач, додека бугарскиот ас Георги Иванов, актуелен европски шампион до 23 години, беше прогласен за најдобар странски учесник.
Турнирот го збогатија борчи од Македонија (со А и Б селекција), како и од Бугарија, Косово, Албанија, Грција, Србија и Хрватска. Атмосферата беше одлична, а публиката уживаше во динамични и неизвесни борби, со што турнирот уште еднаш ја потврди својата традиција и значење во балканскиот боречки календар.
