Раководството на Феникс санс одлучи да го отпушти тренерот Игор Кокошков само по една сезона. Франшизата од Аризона зад себе остави уште една катастрофална сезона во која го израмнија вториот најлош негативен учинок само од 19 победи и 63 порази. Феникс трета сезона во низа заврши на последното место во Западната конференција и има 14 победи помалку од сите останати екипи во НБА-лигата.
Phoenix has fired coach Igor Kokoskov, league sources tell ESPN.
— Adrian Wojnarowski (@wojespn) April 23, 2019
Српскиот стратег пред стартот од оваа сезона за првпат доби шанса да води една екипа во најсилната кошаркарска лига откако изминатата деценија ја помина работејќи како асистент, а последен ангажман во таа улога му беше во Јута џез. Иако Кокошков донесе свежина во редовите на Санс, тој се најде на удар на промените во франшизата.
Раководството ќе се обиде да го ангажира асистентот на Филаделфија севентисиксерс, Монти Вилијамс, кој, пак, веќе беше на интервју во ЛА лејкерс и е кандидат да ги преземе „езерџиите“.
