Сер Алекс Фергусон пред девет години одлучи да ја заврши својата тренерска кариера, но очигледно е дека тој има одлична заработка и во пензионерските денови.
Прославениот стратег на Манчестер јунајтед преку својата компанија “АЦФ Спортс промоушн“ за минатата година забележал нето-профит од околу 12 милиони фунти.
Но, англиските медиуми тврдат дека ова не е единствената заработка на Фергусон и дека тој добил неколку стотици илјади фунти минатата година само за да се појави на неколку настани.
Тие пресметале дека прославениот стратег има примања од околу 235 илјади фунти неделно, што и не е толку лошо за еден 80-годишен човек.
