Актуелниот шампион, Макс Ферстапен, славеше на првата трка во новата сезона што се возеше за Големата награда на Бахреин.
Доминацијата на возачите на Ред Бул, ја потврди и Мексиканецот Серхио Перес кој го освои второто место. Последното место на победничкиот подиум му припадна на поранешниот шампион, Фернандо Алонсо кој беше херој на денот и извозе фантастична трка.
Ферстапен кој стартуваше од пол-позицијата, во ниту еден момент не ја испушти лидерската позиција и на крајот сосема заслужено победи.
Битката за второто место беше решена во 26-тиот круг кога Серхио Перес го помина Шарл Леклер и се врати на позицијата од која ја стартуваше трката.
Леклер, пак го потврди епитетот на најмалерозен Формула 1 возач бидејќи во 41-от круг ја заврши трката бидејќи му се изгаси болидот.
Потоа на сцена стапи двокрантиот светски шампион, Фернандо Алонсо кој вози за Астон Мартин.
Así Don Fernando Alonso ha adelantado a Hamilton.
Pelea titánica.pic.twitter.com/zEopnlMjHj
— ElReyGuiri (@ElReyGuiri) March 5, 2023
Шпанецот прво го помина Луис Хамилтон во битката за четвртата позиција, а во 46-от круг дојде на третото место откако го помина и возачот на Ферари, Карлос Саинс.
https://twitter.com/i/status/1632416260762771456
До крајот на трката, Алонсо не успеа да ги загрози водечките болиди на Ред Бул, а бодови освоија уште и Карлос Саинс, Луис Хамилтон, Ленс Строл, Џорџ Расел, Валтери Ботас, Пјер Гасли и Алекс Албон.
