Фантастичната серија на победи за екипата на Фиорентина продолжи и на мечот против Торино на гостински терен. „Виолетовите“ од Фиренца победија со минимални 0-1, со голот на Моизе Кен во 41-вата минута.
За Фиорентина ова е седма победа по ред во сите натпреварувања, односно деветти натпревар без пораз, во кои имаат само едно реми.
Победата над Торино за Фиорентина значи искачување на делба на втората позиција на табелата во Серија А, заедно со Аталанта со по 22 бода, односно три поени помалку од лидерот Наполи.
