Претседателот на Реал Мадрид, Флорентино Перес, има јасен план во иднина во тимот да играат двајца турски репрезентативци, открива „Газета дело спорт“.
Голема желба на првиот човек на Кралскиот клуб е Кенан Јилдиз, младата ѕвезда на Јувентус.
Перес е голем обожавател на Арда Ѓулер и го смета за еден од клучните играчи во иднината на Реал Мадрид, па сака покрај него да го доведе и неговиот соиграч од турската репрезентација.
Моменталната вредност на Јилдиз се проценува на околу 75 милиони евра, но јасно е дека Старата дама нема лесно да се откаже од својот бисер и веројатно ќе бара најмалку 100 милиони евра за негов трансфер.
Кенан Јилдиз пристигна во Јувентус како слободен играч од Баерн Минхен, а оваа сезона одигра 45 натпревари, на кои постигна 11 гола и запиша 10 асистенции.
