Селекторот на Австрија Франко Фода е среќен што неговата репрезентација стигна до првата победа на ЕП. Фода вели дека направените измени на полувреме и вториот дел биле клучни.
„Во првото полувреме се обидувавме да стигнеме до предност, но примивме несреќен гол. Сепак, не се разочаравме и бевме убедени дека ќе победиме. Измените кои ги направивме во вториот дел дадоа ефект. Заслужено ја победивме Македонија. Среќни сме што стартуваме со триумф, но треба да останеме смирени и да се фокусираме за следните мечеви. Во второто полувреме игравме подобро, имавме контрола на играта “, Франко Фода.
Капитенот Давид Алаба вели дека нивна цел е Австрија да освојува уште поени.
„Во текот на целиот меч, целта ни беше да ја наметнеме нашата игра. Освоивме три бода, а наша цел е да собираме уште поени. На овој меч го покажавме нашиот карактер. Во второто полувреме ја забрзавме играта, со повеќе храброст, со посветеност и на крајот бевме наградени за нашата игра“, вели Алаба.
