Францускиот фудбалски репрезентативец Лукас Ернандес заедно со неговата сопруга се најдоа под истрага по сериозните обвиненија за трговија со луѓе. Едно колумбиско семејство пријавило, па реагирала полицијата.
Според тужбата, семејството тврди дека двојката ги принудила да работат помеѓу септември 2024 и ноември 2025 година без законска работна рамка и без потпишани договори за вработување. Во тужбата се наведува дека секој член на семејството работел помеѓу 72 и 84 часа неделно, со екстремно долги работни денови и без регулирани работнички права.
🚨🚨| BREAKING: Lucas Hernandez and his wife have been accused of human trafficking and hidden labour.
A Colombian family has accused that the couple made them work from September 2024 to November 2025 without a legal framework and with extremely long working hours.
Each… pic.twitter.com/jPFfm5blGF
— CentreGoals. (@centregoals) January 21, 2026
Колумбиското семејство наводно го пријавило случајот во канцеларијата на јавниот обвинител во Версај, кој ќе ја утврди основаноста на обвиненијата и евентуалната кривична одговорност.
Досега ниту Лукас Ернандес ниту неговата сопруга јавно не коментирале за овие обвинувања, додека официјална реакција од надлежните институции се очекува во наредниот период.
Во тековната сезона Ернандес има 17 настапи за Пари Сен Жермен во сите натпреварувања, додека дресот на француската репрезентација го носел на 40 натпревари.
